«Қазақтар әлемде» хабарының бүгінгі санында сіздерді Үрімжідегі қазақ ақпарат құралдары, интернет жайындағы ақпараттармен таныстырамыз. Қытай қазақ ақпаратының саны жағынан Қазақстаннан кейiнгi екiншi орында. Шыңжаң өңiрiнде қазақ тiлiнде оннан астам газет, отыздай журнал, 40-қа жуық интернет сайт, 3 телеарна, күнiне 18 сағат қазақ тiлiнде хабар тарататын «Шыңжаң халық радио» станциясы мен 7 баспа және Бейжiңнiң өзiнен хабар тарататын «Орталық радио» бекеті, «Ұлттар баспасы» бар. Тілшіміз Үрiмжiде барған сапарында «Сен қазақ» сайтының модераторы Ақытбек Шеризатұлы және «Шыңжаң» газетiнiң тiлшiсi Қалиакбар Үсемханұлымен жолығып, сұқбаттасқан еді.