Жақында қазақстандық телеарналар – «КТК мен 31 арна» Алматы облысы Қарасай ауданы, Қаскелең қаласына көшіп келген түркиялық оралмандар 1992-2011 жылдар аралығында 25-26 адамның қастандықтың құрбаны болғаны жайында ақпарат таратқан еді. Әңгіме осы қалаға 2007 жылы көшіп келген, 68 жасар Ақтар Қарадемірдің кісі қолынан қаза тапқаны жайында болған. Біз осы ақпараттың анық-қанығына көз жеткізу мақсатында Қаскелең қаласына жол тартқан едік. Амин Добайдың айтуынша Қаскелең қаласында Түркиядан қоныс аударған, жиыны 500-600 отбасы бар екен.