Ақтауда Жаңаөзен оқиғасы бойынша өтіп жатқан сот ісі барысында сәрсенбі күні қандай жаңалықтар болды екен, сотқа шақырылған полицейлердің кейбірі айыптау орындығында отырғандар арасында шабуылдаушылар болғанын айта бастады. Сәрсенбі күні Азаттықтың сайтында  журналист, жақында ашылған Жаңаөзен сайтының бас редакторы Қасым Аманжолұлымен онлайн конференция болып өтті. Журналистке қандай сұрақтар қойылды, Қасымның жауаптары қандай болды? Астаналық «Барыс» хоккей командасының капитаны Кевни Далменнің әйелі Стэйсидің Қазақстанға қатысты блогы қызу пікірталас туғызып жатыр екен, әлеуметтік желілерде, міне бұл тақырыпты да шолып өтетін боламыз. Аумағы 50 мың гектар Бектау ата тауы шатқалының жалғыз орманшысы Владимр Шоқаевты қандай мәселелер толғандырады?