Алматыда футбол академиясы ашылды, деп хабарлайды Азаттық тілшісі.
Футбол академиясы ЦСКА спорт базасының аясында жұмыс істейді. Академия директоры Данабек Қалиаджаровтың айтуынша, футбол мектебі 2015-жылдың наурызынан бастап жас балаларды футболға баулуды бастайды. Алғашқы жаттығу тобы жасақталған.
Алматыдағы академия Голландияның "Аякс" командасымен әріптестік қатынас орнатып, балаларды осы клубтың методикасымен дайындайды.
Академияда 10-15 жастағы жас балалар оқиды.
Бұл -Алматыда ашылған екінші футбол академиясы. Биыл қыркүйекте "Қайрат" футбол командасының Тимур Сегізбаев атындағы академиясы жұмысын бастаған еді.
