Шымкентте басталған дәрігерлердің республикалық екінші конгресіне 500-ден аса адам қатысып жатыр. Жиынға Қазақстанмен қоса Польша, Ресей және Украинадан денсаулық сақтау саласының мамандары, ғалымдар шақырылған.
Дәрігерлер жиынында Қазақстанның денсаулық сақтау саласын ары қарай дамыту мәселелерін, қазіргі заманғы медицинаның түрлі саласындағы диагностика мен емдеудің жаңа әдістерін талқыға салып жатыр. Конгресс шеңберінде дәрі-дәрмектердің арнайы көрмесі де ұйымдастырылған.
Дәрігерлердің бірінші конгресі 2014 жылы Алматыда өткен.
