Әзербайжан астанасы Бакуде 16 қабатты үй өртеніп, 15 адам қаза тапты. Әзербайжан денсаулық сақтау министрлігінің Азаттықтың Әзербайжан қызметіне хабарлауынша, 19 мамырда қаланың Бинагади ауданында болған өрттен 63 адам жараланып, ауруханаға түсті.
Төтенше оқиға орнына Әзербайжан ішкі істер министрі Рамиль Усубов пен бас прокурор Закир Гаралов барды. Гаралов журналистерге төтенше жағдайлар министрлігі, ішкі істер министрлігі және бас прокуратура өкілдерінен құралған топ қазір өрт себептерін тексерумен айналысып жатқанын айтты. Оның сөзінше, алдын-ала тергеу нәтижелері өрттің үйдің сыртқы қабатын әрлеу материалдарының сапасыздығынан шыққанын анықтаған.
Бакудегі 16 қабатты тұрғын үйдегі өрт туралы фотогалерея:
Бакуде 15 адам өртте опат болды
Баку қаласында 16 қабатты үй өртеніп, кемінде 15 адам қаза тапқан. Әзербайжан денсаулық сақтау министрлігінің Азаттықтың Әзербайжан қызметіне хабарлауынша, 19 мамырда қаланың Бинагади ауданында болған өрттен жараланып ауруханаға түскен 63 адамның көбі - балалар.
