Тамыздың 6-сы күні Жапонияның Хиросима қаласына америкалық атом бомбасының тасталғанына 70 жыл толды. Екінші дүниежүзілік соғыс аяқталар тұста АҚШ «Жапонияның капитуляциясын тездету үшін» адамзат тарихында алғаш рет жойқын қару қолданды. Бомба жарылысынан 140 мыңға жуық адам құрбан болды, оның ішінде шабуылдан тірі қалған, бірақ кейін сәуле дертінен көз жұмғандар да бар. АҚШ Хиросимадан соң үш күннен кейін, 1945 жылы 9 тамызда тағы бір жапон қаласы Нагасакиге де атом бомбасын тастаған.