Ресейде «Авиадартс» халықаралық әскери әуе техникасы байқауында, он номинацияның барлығында ресейлік ұшқыштар үздік өнер көрсетіп, жалпы есеп бойынша бірінші орынға шыққан. Екінші орында – Қазақстан, үшінші орынды Қытай ұшқыштары иеленген деп хабарлайды «Интерфакс» агенттігі.
Ресейдің Рязан облысында өткен байқауға ұшақтар мен тікұшақтардың 12 түрі, 100-ден аса ұшқыш қатысып, Рязан, Брянск және Калуга облыстарында үш аэродром пайдаланылған.
Қазақстандық ұшқыштар Су-25, Су-27, МиГ-29 ұшақтары және Ми-8 тікұшақтарымен қатысқан.
Жарысқа қатысушылар жалпы алғанда 300 сағаттан аса уақыт бойы әуеде жаттығулар жасаған.
