Қазақстан чемпионы "Астана" командасы Чемпиондар лигасының топтық кезеңінде испаниялық "Атлетико" клубымен 0:0 есебімен тең түсті.
"Атлетико" - Испанияның 10 дүркін чемпионы. Соңғы рет 2014 жылы чемпион атанған. 2014 жылы Чемпиондар лигасының финалына дейін жетіп, мадридтік "Реалдан" жеңілген.
"Астана" осыған дейін өз алаңында түркиялық "Галатасарай" командасымен 2:2 есебімен тең түскен. Сырт алаңда португалиялық "Бенфикадан" (0:2) және "Атлетикодан" (0:4) жеңілген.
Қазір "Астана" командасы екі ұпаймен С тобында төртінші орында тұр.
Қазақстандық клуб 25 қарашада өз алаңында португалиялық "Бенфика" клубын қабылдайды.
