Accessibility links

Египеттегі Синай аймағының солтүстігіндегі шағын қонақ үйге содырлар шабуыл жасап, төрт адам - екі полицей мен екі сот судьясы қаза болып, 12 адам жараланды.

Шабуыл теңіз маңындағы Эль-Ариш қаласындағы Swiss Inn қонақ үйіне жасалған.

Египет билігінің хабарлауынша, рульде жанкешті отырған мина салынған автомобиль ғимаратқа жақындауға тырысқан, бірақ полиция мен күзетшілердің машинаға жаудырған оғынан жарылып кеткен.

Төңіректегі абыр-сабырды пайдаланып екі содыр қонақ үйге кіріп үлгерген. Олардың бірі беліндегі жарылғыш затты жарып жіберсе, екіншісі қонақ үй нөмірлерінің біріндегі судьяны атып өлтірген.

"Ислам мемлекеті" экстермистік тобы шабуылды өздері ұйымдастырғанын мәлімдеді.

AzattyqTV

Аудиоподкаст

XS
SM
MD
LG