Ресейдің ақпараттық технология және бұқаралық коммуникация саласын қадағалау қызметі (Роскомнадзор) YouTube видеохостингіндегі "Россия 88" фильмін бұғаулау шешімін жойды. Роскомнадзор мұны фильмді экстремистік сипатта деп таппағандықтан жасағанын айтады.
Бұған дейін Нарьян-Маре соты Павел Бардиннің "Россия 88" фильміндегі көріністердің бірін экстремистік деп тапқан. Роскомнадзор 3 ақпанда интернетке жүктелген видеоның жекелеген үзіндісін бұғаттау мүмкін емес болғандықтан фильмді толық бұғаулаған.
"Россия 88" фильмі 2009 жылы шыққан. Фильмде адамды соққыға жығатын үгіт-насихат түріндегі роликтерді түсіріп, оны интернетке жариялайтын неонацистік топтар туралы айтылады.
