Бішкек тұрғыны 90 жастағы заңгер Карпек Құрманов бір миллион сом жеке қаржысын қаладағы көшелердің бірін ретке келтіруге жұмсаған. Нәтижесінде 1,5 мың шаршы метр жерге кеспе тас төселіп, жол жиегіне гүлдер отырғызылған. Қазір көркі енген бұл көшеде тағы сегіз отбасы тұрады, олардың арасында депутаттар, бизнесмендер бар. Карпек ақсақал өз бастамасы ақшадан тарлық көрмейтін өзге жандарға үлгі болса деген тілек айтады. Азаттықтың Қырғыз қызметі видеосы.