АҚШ президенті сайлауына Республикашыл партия атынан түсуге үміткер Джон Кейсик сайлауалды бәсекеден шықты. Бұл жайында ол өз штаты және бәсекелесі Дональд Трамптан озық шыққан Огайода мәлімдеді.
Кейсиктің сайлау бәсекесінен шығуы Дональд Трамптың Республикашыл партия атынан президенттікке кандидат ретінде ұсынылу мүмкіндігін күшейтті. Бұдан бір күн бұрын Трамптың негізгі қарсыласы, Техас штатының сенаторы, Индиана штатында өткен праймеризде түпкілікті жеңілген Тед Круз сайлауалды бәсекесін тоқтататынын жариялаған.
