Accessibility links

Мәскеуде "ИМ-ге адам тартқан" күдікті ұсталды


Мәскеу полициясы (Көрнекі сурет).
Мәскеу полициясы (Көрнекі сурет).

Мәскеу билігі Татарстаннан шыққан азаматты "Ислам мемлекеті" экстремистік ұйымының құрамына адам тартты деген күдікпен ұстады. Ресей ішкі істер министрлігінің баспасөз хатшысы Ирина Волк аты-жөні жарияланбайтын күдікті Рсеейде тыйым салынған "Хизб-ут-Тахрир"ұйымының құрамында болған дейді. Волктің хабарлауынша, күдікті тергелу үшін Татарстан билігіне берілген.

Ресей жоғарғы соты 2003 жылы "Хизб-ут-Тахрирді" террористік ұйым деп танып, қызметіне тыйым салған. Ұйым Орталық Азияның бірнеше елінде де заңсыз деп танылған.

Лондонда орналасқан "Хизб-ут-Тахрир" сүнниттік саяси ұйымы мұсылман елдерін "ислам халифатына" біріктіргісі келеді. "Хизб-ут-Тахрир" мүшелері ұйымдарының "бейбіт мақсатты көздейтінін" айтады.

XS
SM
MD
LG