Өзбекстан парламенті премьер-министр Шавкат Мирзяевты уақытша президент міндетін атқарушы етіп тағайындады деп хабарлайды "Интерфакс" агенттігі.
Өзбекстанды 1989 жылдан бері басқарған Ислам Каримов өткен аптада 78 жасында инсульттен қайтыс болған.
Өзбекстан конституциясы бойынша, президент қайтыс болғанда немесе қызметін атқаруға қабілетсіз болып қалған жағдайда оның міндетін атқару уақытша парламент сенатының спикеріне жүктелуі тиіс.
