Әлемдік рейтингте 39-орында тұрған қазақстандық теннисші Ярослава Шведова Пекинде өтіп жатқан China Open жарысының үшінші кезеңіне шықты.
Ол екінші айналымда швейцариялық Белинда Бенчичті (43) екі сетте жеңді - 6:4, 7:6. Шведова бірінші айналымда әлемнің 10-ракеткасы испаниялық Карла Суарес Наварродан 6:1, 6:3 есебімен басым түскен.
Енді қазақстандық теннисші үшінші айналымда словакиялық Доминика Цибулкова (8) мен франциялық Ализе Корне (58) арасындағы матчтың жеңімпазымен кездеседі.
China Open жарысы 9 қазанда аяқталады.