Словакияның тәуелсіздік алғаннан кейінгі алғашқы президенті Михал Ковач қайтыс болды. Ковач Словакияны Чехословакия ыдыраған1993 жылдан 1998 жылға дейін басқарған. 86 жастағы Михал Ковач 5 қазанда жүрек талмасынан көз жұмған.
Экс-президенттің көз жұмғанын TASR агенттігіне оның туыстары растаған. Ковач Паркинсон дертіне шалдыққан және өмірінің соңғы кездері бірнеше рет ауруханаға түскен.
Ковач президент болып тұрғанында бәсекелесі, премьер-министр Владимир Мечьярді "демократияға қарсы жұмыс істеді" деп сынаған. Оның пікірінше, мұның салдарынан Словакия халықаралық оқшаулануға ұшыраған.
Словакияның қазіргі президенті Андрей Киска Facebook-те Ковач Словакия үшін "аяусыз және қатаң" кезеңде президент болды деп жазды.
