Қазақстандық теннисші Ярослава Шведова (39) Пекинде өтіп жатқан China Open жарысының ширек финалына шықты. Ол үшінші айналымда франциялық Ализе Корнені (58) екі сетте жеңді - 6:2, 6:4. Матч 1 сағат 48 минутқа созылды.
Шведова алғашқы екі айналымда әлемнің 10-ракеткасы испаниялық Карла Суарес Наварроны және швейцариялық Белинда Венчичті (43) жеңген.
Енді ол ширек финалда әлемнің 3-ракеткасы польшалық Агнешка Радванскамен кездеседі. Пекиндегі жарыс 9 қазанда аяқталады.
