Украинада Голодомор құрбандарын еске алды
Украинада қарашаның 26-сы күні совет билігі тұсында болған жаппай ашаршылық - Голодомор құрбандарын еске алды. Киевте жұртшылық Даңқ саябағындағы мемориалға гүл қойып, шырақ жақты, құрбандарға дұға бағыштады. Украина халқы 20-ғасырда ұлтты үлкен қырғынға ұшыратып, таусылмас қайғы-қасірет әкелген ашаршылықты өскелең ұрпақ ешқашан ұмытпас үшін жылда қарашаның төртінші сенбісінде Голодомор құрбандарын еске алып, аза тұтады. Ғылыми-демографиялық сараптама мәліметтері бойынша, 1932-1933 жыларғы ашаршылық 3 миллион 941 мың адамның өмірін қиған. (Азаттықтың Украин қызметінің видеосы.)