Accessibility links

Израиль әскерилері рейд кезінде палестиналықты атып тастады


Израиль әскерилері өздеріне шабуылдау кезінде атып өлтірді делінген палестиналықтың денесін әкетіп барады. Хеврон, наурыз 2016 жыл (Көрнекі сурет).

Израиль әскерилері Иордан өзенінің батыс жағалауындағы Фара босқындар лагеріне жасаған рейді кезінде палестиналық ер адамды атып тастады.

Израиль билігінің 10 қаңтарда хабарлауынша, бүгін таңертең ертемен жасалған рейд кезінде "пышақ ұстаған палестиналық израиль сарбаздарына жақындап баруға тырысқан және қозғалмай тұру туралы бұйрықты орындамаған".

Оққа ұшқан адам 32 жастағы Мохаммед әл-Салхи делінеді және поолиция оны өз тұрақжайында атқан.

Палестиналық ақпарат құралдарының хабарлауына қарағанда, полиция Салхиді мойны мен көкірек тұсынан бес рет атқан. Рейд кезінде үш палестиналық ұсталған.

8 қаңтарда Иерусалимнің орталығындағы Ескі қала ауданында жүк көлігін мінген бір адам көшедегі жүргіншілерді таптап өткен. Шабуылдан төрт адам қаза тауып, 15 адам жараланған. Полиция жүк көлігін жүргізген адамды оқиға орнында атып тастаған. Полиция оқиғаны теракт деп бағалайды.

AzattyqTV

XS
SM
MD
LG