Accessibility links

Шымкентте жер митингісіне қатысты істі болған белсенділер марапатталды


"Демократия институттарын дамыту орталығы" қоғамдық бірлестігі шымкенттік белсенді Ибрахим Әлсеркені (ортада) марапаттап тұр. Шымкент, 18 қаңтар 2017 жыл.

Бүгін Шымкенттегі Отырар кітапханасында "Демократия институттарын дамыту орталығы" қоғамдық бірлестігі Оңтүстік Қазақстан облысы бойынша қоғамдағы еңбегі үшін бірнеше азаматты марапаттады деп хабарлады Азаттық тілшісі.

Қоғамдық бірлестік "Жыл адамы" атағымен сегіз номинация бойынша 12 адамды марапаттады. Олардың ішінде 2016 жылы жер дауы бойынша істі болып, 15 тәулікке қамалған шымкенттік белсенділер Жалпыұлттық социал-демократиялық партиясының (ЖСДП) Оңтүстік Қазақстан облыстық филиалының үйлестірушісі Данияр Құлтаев пен Ибрахим Әлсерке де бар. Құлтаев "Әділ демократиялық қоғамды дамытуға қосқан үлесі үшін" номинациясы бойынша, Әлсерке "Ұлт мүддесін қорғаушы" номинациясы бойынша марапатталып отыр.

"Демократия институттарын дамыту орталығы" қоғамдық бірлестігінің төрағасы Жарқымбек Сейтімбекұлының айтуынша, мұндай сыйлық табыстау бірнеше жыл жоспарда болғанымен, биыл алғаш рет беріліп отыр. Марапатталғандар арасында қоғам өкілдерімен бірге жазушылар, ақындар, ұстаздар да бар.

"Әлеуметтік желілерде өз ойын бөлісіп, жер дауына байланысты пікір жазғаны үшін істі болғанын" айтқан Данияр Байтілеу бүгін Атырауда апелляциялық шағымы сотта қаралып жатқан Макс Боқаев пен Талған Аянның бостандыққа шығуын қолдайтынын жеткізді.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

AzattyqTV

Аудиоподкаст

XS
SM
MD
LG