Accessibility links

Алматыда өтіп жатқан қысқы универсиадада Қазақстан спортшылары тағы бір күміс, үш қола алды.

Биатлоннан ерлер арасындағы масс-стартта Роман Еремин күміс, Антон Пантов қола медаль иеленді. Жоути Баптисте (Франция) универсиада чемпионы атанды.

Шаңғыдан әйелдер арасындағы 15 километрлік масс-стартта Анна Шевченко үшінші нәтиже көрсетті. Бұл - Шевченконың Алматыдағы универсиада иеленген бесінші медалі. Ол бұған дейін бір алтын, бір күміс, екі қола медаль алған.

Шорт-тректен ерлер арасындағы 1000 метрлік жарыста қазақстандық Денис Никиша үшінші нәтиже көрсетті. Алтын және күмісті Оңтүстік Корея спортшылары Лим Куонг Вон мен Парк Джи Вон иеленді.

Қазақстан қазір 11 алтын, 7 күміс, 14 қоламен жалпы есепте Ресейден (27 алтын) кейін екінші орында келеді. Үшінші орында тұрған Оңтүстік Кореяда 10 алтын бар.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

Аудиоподкаст

XS
SM
MD
LG