Францияның солтүстік-батысындағы Фламанвиль атом электр станциясында (АЭС) жарылыс болғаны хабарланды. Жергілікті билік радиоактивті зат таралмағанын айтады.
Жарылыс Манш аймағындағы EDF компаниясына тиесілі, 1980 жылдары салынған, қуаты 1300 мегаваттық екі реакторда болған.
EDF компаниясы оқиғадан ешкім зардап шекпегенін, өртті бірден бақылауға алғандарын хабарлады.
