Accessibility links

Қазақстан биатлон құрамасынан алынған допинг сынамалары таза болып шыққан. Бұл туралы IBU (Халықаралық биатлон одағы) ресми сайтында мәлімдеді.

Қазақстан биатлоншыларының қан және дәрет анализдерін Австрияның допингке қарсы зертханасы тексерген.

8 ақпанда Австрия полициясы Хохфильцен қаласында Қазақстан биатлон құрамасы тоқтаған қонақ үйді тексергенін хабарлаған. 23 қаңтарда Германияның Инцель қаласы маңындағы жанармай құю станциясы маңынан дәрі-дәрмектер, медициналық құрылғылар және Қазақстан биатлон құрамасы дәрігерінің аккредитациясы табылған. Осыдан кейін Австрия полициясы Қазақстан биатлон құрамасына тексеру жүргізген. Ал Австрия допингке қарсы агенттігі қазақстандық биатлоншыларының барлығын допингке тексерген.

Қазір Қазақстан биатлон құрамасы Австрияда әлем чемпионатына қатысып жатыр. Бұл жарыстан кейін Саппорода (Жапония) өтетін қысқы Азия ойындарына барады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

Пікіріңіз

Оқырман пікірлері

XS
SM
MD
LG