Accessibility links

АҚШ түрмесінде Омар Әбдел-Рахман қайтыс болған


Омар Әбдел-Рахман.
Омар Әбдел-Рахман.

АҚШ-та сот үкімімен өмір бойы түрмеге кесілген египеттік исламшылдар тобының рухани жетекшісі Омар Әбдел-Рахманның абақтыда қайтыс болғаны хабарланды.

Туғаннан қос жанары көрмейтін Әбдел-Рахманды «соқыр шейх» деп те атайтын. Ол 1993 жылы Нью-Йорктегі дүниежүзілік сауда орталығындағы алты адамның ажалына себеп болған жарылысты ұйымдастырған деген айыппен сотталып, Солтүстік Каролина штатындағы "Батнер" түрмесінде жазасын өтеп жатқан.

Өткен ғасырда Египетте үкіметке қарсы іс-әрекеті үшін бірнеше рет түрмеде отырған Әбдел-Рахманды 1990 жылы сол кездегі үкімет елден шығарып жіберген. Кейін ол АҚШ-қа қоныс аударған.

Омар Әбдел-Рахман Египеттегі «Ислам жамағаты» исламшылдар тобының рухани көсемі болған. Құрама Штатттар бұл топты террористік ұйымға жатқызған және АҚШ пен Египетте жасалған бірнеше жарылыс пен шабуылдарды ұйымдастыруға қатысы бар деп санайды.

XS
SM
MD
LG