Accessibility links

Сот: ОҚО-да былтыр терроризм айыбымен екі оқушы сотталды


Оңтүстік Қазақстан облыстық кәмелетке толмағандардың істері жөніндегі мамандандырылған ауданаралық сотының брифингі. Шымкент, 17 наурыз 2017 жыл.

Оңтүстік Қазақстан облысында 2016 жылы терроризм ісі бойынша екі оқушы сотталды деп мәлімдеді бүгін Шымкентте өткен брифингте облыстың кәмелетке толмағандардың істері жөніндегі мамандандырылған ауданаралық сотының төрағасы Серікбай Төлепбергенов. Сот төрағасы бұл туралы брифингте Азаттық тілшісінің сұрағына жауабында айтты.

Оның сөзінше, 2016 жылы қаралған екі қылмыстық іс бойынша Шымкент қаласының 15 жастағы тұрғыны, оқушы қыз "жиһад жасауға үгіттеді" деген айыппен 5 жылға, Қазығұрт ауданының 16 жастағы "А" есімді тұрғыны "терроризмді насихаттады" деген айыппен облыстың 6 жылға, сотталған. Төлепбергеновтің айтуынша, Қазығұрт ауданының тұрғыны "діни топтарға кіруге, жиһад жасауға үгіттеген, әлеуметтік желілер арқылы достарына діни үгіт-насихат материалдарын таратқан". Ол оқушының "әкесі де осы бап бойныша сотталғанын", "туыстары Сирияға кеткенін" айтады.

Төлепбергенов әдетте соттар кәмелеттік жасқа толмағандарға жаза тағайындауда көбіне жеңілдік жасауға тырысатынын, бірақ терроризм айыбымен сотқа тартылғандарға жаза қатаң болатынын, жеңіл я шартты жаза кесілмейтінін айтты.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

AzattyqTV

XS
SM
MD
LG