Бүгін жергілікті уақытпен таңғы сағат 05:04-те Ауғанстан аумағында болған жер сілкінісі Шымкентте де сезілді.
Қазақ ұлттық деректер орталығының директоры Наталья Михаилованың Азаттыққа айтуынша, Ауғанстандағы жер сілкінісінің қуаты 4,7 магнитуданы құраған. "Жер сілкінісі Ауғанстан, Пәкістан, Тәжікстан, Ташкент пен Шымкентте сезілген. Пәкістан мен Тәжікстанда 5 балдық жер сілкінісі болса, Ташкентте 3,4 балл, Шымкентте 3 балл жер сілкінісі болған" дейді орталық директоры.
