Бакуде өтіп жатқан Ислам ынтымақтастық ойындарында қазақстандық боксшы Азат Махметов (52 кг) алтын алды. Ол финалда марокколық Абделлали Дараны 4:1 есебімен жеңді.
Бұл - Қазақстанның Бакудегі жарыста алған алғашқы алтыны. Осыған дейін таэквондошы Айнұр Есенаманова күміс, дзюдошылар Гүлдана Алмұхамедова мен Еламан Ергалиев қола медаль иеленген.
Қазір Қазақстан бір алтын, бір күміс, үш қоламен жалпы есепте 18-орында келе жатыр. Бірінші орында - 55 алтын алған Түркия құрамасы, одан кейінгі сатыда 51 алтыны бар Әзербайжан тұр.
Бакудегі Ислам ынтымақтастық ойындары 22 мамырда аяқталады.
