Accessibility links

Ақордада Назарбаев шетел басшыларымен кездесті


Қазақстан президентінің Астанадағы резиденциясы - Ақорда. (Көрнекі сурет.)

Қазақстан президенті Нұрсұлтан Назарбаев бүгін Астанада ЕХРО-2017 халықаралық көрмесінің ашылуына келген бірқатар мемлекет басшыларымен кездесті деп хабарлайды Ақорданың баспасөз қызметі.

Испания королі VI Фелипені Қазақстанға алғаш рет ресми сапармен келуімен құттықтаған Назарбаев екі ел арасындағы достық-қарым қатынастың негізі Испанияның бұрынғы королі І Хуан Карлостың тұсында қаланғанын айтқан.

Король Фелипе Қазақстан басшысын Астанадағы ЕХРО-2017 халықаралық көрмесінің ашылуымен құттықтаған.

Назарбаев чех президенті Милош Земанға ЕХРО-2017 көрмесінің ашылуына қатысқаны үшін ризашылық білдірген. Земан Қазақстанға өзімен бірге чех кәсіпкерлері тобы келгенін, олардың экономикалық байланыстарды дамытуға, Қазақстан экономикасының түрлі салаларына инвестиция салуға мүдделі екенін айтқан.

AzattyqTV

Аудиоподкаст

XS
SM
MD
LG