Accessibility links

«Алаш» партиясы


20-ғасырдың басында бір топ қазақ интеллигенті құрған «Алаш» партиясы сол жылдардағы ресейлік Кадеттер партиясын одақтас көріп, қазақ ортасында либерализм идеяларын насихаттаған.

Тарихи деректерге қарағанда, «Алаш» партиясы 1917-1918 жылдары қызмет етті. Тарихшылардың кейбірі Алаш автономиясының және Алашорда үкіметінің құрылуын осы ұйым қызметімен байланыстырады. «Алаш» партиясы жетекшілері Ресей империясының қазақтар қоныстанған территорияларын Алаш автономиясына біріктіруді мақсат тұтқан. Кейбір мамандар Қазақстанның СССР құрамында одақтас республика мәртебесін алуына «Алаш» қайраткерлерінің де еңбек еткенін айтады.

1937-1938 жылдары «Алаш» партиясының жетекшілері түгелге жуық сталиндік қуғын-сүргін құрбанына айналды. Белгілі тарихшы Оливьер Руа «Алашты» Орталық Азиядағы алғашқы кәсіби партия деп сипаттайды.

XS
SM
MD
LG