Accessibility links

Солтүстік Қазақстан облысы: Жер дауына қатысты сот шешімі өзгертілмеді


Солтүстік Қазақстан облыстық соты апелляциялық алқасының судьясы Сәкен Тілегенов Ақжар ауданы Бостандық ауылы тұрғындарының жер дауына қатысты сот шешімін оқып тұр. Петропавл, 20 маусым 2017 жыл.

Солтүстік Қазақстан облыстық сотының апелляциялық алқасы Ақжар ауданына қарасты Бостандық ауылындағы жер мәселесіне қатысты сот шешімін өзгеріссіз қалдырды.

Жерге иелік ету құқығынан айырылған Бостандық ауылының тұрғындары өздеріне тиесілі 6214 гектар жер телімін әлі қайтара алмай жүргенін айтады. Тұрғындардың сөзінше, егістік жерді жалға алушы "Бостандық" серіктестігі қарызға батып, халыққа тиесілі жерді тұрғындар сыртынан кепілдікке қойған. Биыл наурызда Ақжар аудандық соты серіктестік мойнындағы борышын уақытында қайтармағандықтан, кепілдегі тұрғындары жерін аукцион арқылы сатуға шешім шығарған. Сот орындаушысы жерді арестке қойып, аукцион арқылы сатып жіберген.

Ақжар ауданы Бостандық ауылының жерін даулаған тұрғындары Солтүстік Қазақстан облыстық сотының алдында тұр. Петропавл, 20 маусым 2017 жыл.
Ақжар ауданы Бостандық ауылының жерін даулаған тұрғындары Солтүстік Қазақстан облыстық сотының алдында тұр. Петропавл, 20 маусым 2017 жыл.

Тұрғындар "халыққа тиесілі жерді сату заңсыз" деп, облыстық сотқа шағымданған. Бірақ 20 маусымда апелляциялық шағымды қараған судья Сәкен Тілегенов тұрғындар талабын қанағаттандырудан бас тартып, аудандық сот шешімін өзгеріссіз қалдырды.

Бостандық ауылының тұрғындары өздеріне тиесілі жердің жеке меншікке сатылып кеткенін кеш білгенін айтады. Сатылып кеткен 6214 гектар жер 565 адамға тиесілі. Жерін қайтаруды талап еткен тұрғындар енді Жоғарғы сотқа шағымданатындарын айтады.

AzattyqTV

АҚШ және Ресей (СССР) лидерлері саммиттері
please wait

No media source currently available

0:00 0:03:23 0:00
АҚШ пен Ресей

Лидерлер саммиті

XS
SM
MD
LG