Accessibility links

Пәкістан: Кветтада жарылыстан бес адам қаза тапты


Кветтадағы жарылыс болған орын. Пәкістан, 23 маусым 2017 жыл.

Пәкістанның оңтүстік-батысындағы Кветта қаласында жарылыс болып, кем дегенде бес адам қаза тапты, 14 адам жараланды. Пәкістан билігі өкілдерінің хабарлауынша, жарылыс қалалық полиция басшылығы орналасқан ғимаратқа қарама-қарсы жерде болған. Жарылыстан полиция көлігі қираған.

Кветта - табиғи ресурстарға бай, сепаратистік күштер мен көтерілісшілердің шабуылы жиі болатын Белуджистан провинциясының әкімшілік орталығы.

"Жарылыс орнынан бізге құрбан болған бес адамның мәйітін алып келді. 14 адам жараланған. Олардың алтауы - ауыр халде" деді жергілікті аурухананың дәрігері Фарид Ахмед.

Жарылыс себебі әзірге белгісіз. Полиция шенеунігі Мохаммед Терик жарылыста ғимаратқа қарама-қарсы тұрған полиция көлігі нысанаға алынғанын айтты.

AzattyqTV

Аудиоподкаст

XS
SM
MD
LG