Accessibility links

Ресей қырғыз азаматтарына ресейлік жүргізу куәлігін алу талабын жойды


Қырғызстан азаматының көлік жүргізу куәлігі (Көрнекі сурет).

Ресей мемлекеттік думасы үшінші оқылымда Қырғызстан азаматтарына Ресейде жүргізуші куәлігін алмай, жүргізуші болып жұмыс істеуге рұқсат беретін заң жобасын қабылдады. Құжатты 363 депутат қолдап дауыс берді. Ешкім қарсы болған жоқ.

1 шілдеден бастап Ресейде шетелдік жүргізушілерге өздерінің жүргізу куәлігі (ресейлік емес) бойынша жұмыс істеуге тыйым салатын заң күшіне енген.

5 шілдеде Ресей президенті Владимир Путин Қырғызстанның жүргізу куәлігін Ресейде мойындау туралы ұсынысты қолдаған.

Енді қырғызстандық жүргізушілер Ресейде қайтадан емтихан тапсырмастан, қоғамдық көлік не жеке көліктің жүргізушісі болып жұмыс істей алады.

XS
SM
MD
LG