АҚШ Ресей мен Беларусьтің біріккен “Батыс-2017” әскери жаттығулары өтетін уақытта Эстонияға 150 десантшы жолдайды. Бір рота десантшы Эстонияға тамыздың соңына қарай жеткізіледі.
Ресей және Беларусь әскерлерінің біріккен әскери жаттығуы 14-20 қыркүйек аралығында өтеді. Ресей қорғаныс министрлігінің хабарлауынша, жаттығуға шамамен 13 мың әскери қызметкер қатысады.
Балтық елдері бұған дейін ресей-беларусь біріккен әскери жаттығуына алаңдаушылық білдірген. Олар Ресей осы жаттығуды сылтау етіп, Беларуське басқа операцияларға қажет қаруларын жеткізуі мүмкін деп қауіптенеді. НАТО "Батыс-2017" жаттығуын мұқият бақылайтынын хабарлаған.
