Финляндияның Турку қаласында жасалған пышақпен шабуылды полиция әзірге террорлық акт деп санамайды, бірақ теракт болып шығуы да мүмкін екенін теріске шығармайды.
ВИДЕО: Финляндиядағы пышақпен шабуыл
Әзірге шабуыл жасаушының аты-жөні жарияланбады. Пышақпен шабуыл жасап, екі адамды өлтіріп, сегіз адамды жаралады деген күдікті ұсталған кезде аяғынан оқ тиып жараланған еді. Қазір ол ауруханада жатыр.
Турку қаласындағы шабуыл жұма күні түс қайта жасалған. Жапа шеккендер туралы ресми ақпарат әлі жоқ.
Фин полициясы Хельсинки әуежайы мен вокзалдарда қауіпсіздік шаралары күшейтілгенін айтты. Елдің қауіпсіздік қызметі Twitter-де: "Полиция Туркудағы қылмысты жалғастыруы ықтимал күдіктілерді іздеп жатыр. Олар халықтан Туркудың орталығына бармауды сұрайды" деп хабарлады.
Әзірше шабуыл жасаушы күдіктінің мақсаты не болғаны белгісіз.