Accessibility links

Навальный штабының басшысы 20 тәулікке қамалды


Леонид Волков, Алексей Навальныйдың сайлауалды штабының басшысы.

Ресей оппозиционері Алексей Навальныйдың сайлауалды штабының басшысы Леонид Волков тағы да 20 тәулікке әкімшілік қамауға алынды. Мәскеудің Преображенский аудандық соты 6 қазанға қараған түні Волковты жұртты рұқсат берілмеген көпшілік шараларға қатысуға шақырды деп айыптап, 20 тәулікке қамауға алуға шешім шығарды.

Волков осы аптада 20 тәулік әкімшілік қамауға алынып, бірақ 5 қазанда Мәскеу қалалық сотының шешімімен босатылған, ал оның ісі қайтадан қарауға жіберілген болатын. Мәскеу қалалық сотының кеңсесінде оны тұтқындап, сотқа жіберген. Волков интернетте 7 қазанда әкімшілік қамауда отырған Алексей Навальныйды қолдау акциясына келуге шақырғаны үшін айыптады.

Волков бұған дейін 29 қыркүйекте Нижний Новгородта ұсталған. Ол кезде Мәскеуде Алексей Навальный қатар ұсталған. 2 қазанда Мәскеу соты оппозиционерлердің әрқайсысын 20 тәулікке қамаған. Волков қамалған соң қарсылық танытып, аштық жариялаған. Навальный жақтастарын 7 қазанда қарсылық митингісіне шығуға шақырған.

Ресейдің бірнеше қалаларының билігі 7 қазандағы акцияны заңсыз деп танып үлгерді. Мәскеу мэриясы митинг өткізуге рұқсат сұраған бес өтінішті әлдебір "объективті себептерге" байланысты қанағаттандырмай тастаған.

AzattyqTV

Аудиоподкаст

XS
SM
MD
LG