Accessibility links

Ақтөбеде "отбасы шырқын бұзған" 200-ден көп адам есепке алынды


Көрнекі сурет.
Көрнекі сурет.

Ақтөбе полициясы екі тәулікте "отбасының шырқын бұзған" 200-ден астам ақтөбелікті профилактикалық есепке алды. Ақтөбе облыстық ішкі істер департаменті (ІІД) бұл туралы тұрмыстағы зорлық-зомбылықтың алдын алу үшін қазанның 26-сы мен 28-і аралығында өткізген "Тұрмыс" деп аталатын профилактикалық шараның қорытындысы бойынша хабарлады.

"Отбасының шырқын алған 160 адамға қорғау нұсқамасы (защитное предписание) берілді. Сот арқылы отыз ақтөбеліктің мінез-құлқына ерекше талап қойылып, алты айдан бір жылға дейін бақылауға алынатын болды. Он маскүнем мәжбүрлеп емдеуге жіберілді" деп хабарлайды облыстық ІІД баспасөз қызметі.

Ресми мәлімет бойынша, биыл Ақтөбеде отбасындағы зорлық-зомбылыққа қатысты 32 қылмыс жасалып, бір әйел күйеуінің қолынан қаза тапқан. Тұрмыстағы зорлық-зомбылыққа төзе алмаған 18 әйел (балаларымен бірге елу шақты адам) қазір дағдарыс орталығын паналап отыр.

Полицияның мәліметінше, тәулігіне жиырма шақты әйел күйеуінің озбырлығына шағынып, полицияға қоңырау шалады.

XS
SM
MD
LG