Қазақстан сыртқы істер министрлігі алдын ала мәлімет бойынша, Иран мен Ирак шекарасында болған жойқын зілзаладан қаза тапқандар мен зардап шеккендер арасында қазақстандықтар жоғын хабарлады. "Иран мен Ирак шекарасындағы жер сілкінісінен зардап шеккендер арасында Қазақстан азаматтары бары туралы мәлімет жоқ" деді Азаттыққа Қазақстан сыртқы істер министрлігі баспасөз қызметінің өкілі Ержан Мұстафин.
Иран мемлекеттік БАҚ-тарының хабарлауынша, 12 қараша күні түнге қарай Иран мен Ирак шекарасында болған жер сілкінісінен соңғы мәліметтер 207 адам қаза тауып, 1680 адам қаза тапқан. Иран ішкі істер министрлігі бұған дейін ең көп адам шығыны Керманшах провинциясында болғанын хабарлаған.
Қуаты 7,3 магнитудаға жеткен жер сілкінісінің дүмпуі Түркиядан Кувейтке дейінгі территорияда сезілген. Геологтардың мәліметінше, зілзала ошағы Ирактың солтүстік-шығыс бөлігіндегі Халабджа қаласынан оңтүстік-батысқа қарай 32 километр қашықтықта болған.
Фотогалерея: Иран-Ирак шекарасындағы зілзала
Иран зілзаласы: құрбандар саны өсті
