Accessibility links

Киевте журналист Пол Хлебниковтің қазасына күдікті ұсталған


Журналист Пол Хлебников.
Журналист Пол Хлебников.

Киевте Украина қауіпсіздік қызметінің (СБУ) өкілдері Интерпол халықаралық іздеу жариялаған екі ресейлікті ұстаған. Ұсталғандардың бірі 2004 жылы 9 шілдеде қастандықпен өлтірілген америкалық Forbes басылымының ресейлік нұсқасының бас редакторы, сыбайлас жемқорлық туралы мақалалардың авторы Пол Хлебниковтің, сонымен бірге Шешенстан вице-премьері Ян Сергуниннің қазаларына күдікті саналады. СБУ-дің мәліметінде күдіктінің Украинада "жеке кәсіпкерлерді бопсалаумен айналысқаны" айтылған.

Киевте қолға түскен екінші адам – Шешенстан тумасы. СБУ ақпараты бойынша, ол қымбат автокөліктерді ұрлаумен айналысатын қылмыстық топ құрамында болған деген күдікпен ұсталған. Франция билігі оған халықаралық іздеу жариялаған.

XS
SM
MD
LG