Accessibility links

Путин: Санкт-Петербургтегі жарылыс - теракт


Жарылыс болған "Перекресток" супермаркетінің алдында жүрген полиция қызметкерлері. Санкт-Петербург, 27 желтоқсан 2017 жыл.

Ресей президенті Владимир Путин Санкт-Петербургте супермаркетте болған жарылысты теракт деп атады. Соңғы мәлімет бойынша, жарылыстан 13 адам жараланды. Санкт-Петербург вице-губернаторы Анна Митянинаның хабарлауынша, зардап шеккен сегіз адам ауруханада жатыр, олардың бесеуінің жағдайы орташа ауыр.

Жарылыс 27 желтоқсан күні кешке Калинин алаңындағы "Перекресток" супермаркетінде болған. Қолдан жасалған, қуаты 200 грамм тротилді құрайтын бомба дүкеннің жүк сақтайтын бөлігінде болған.

Тергеу комитеті «жалпыға қауіпті әдіспен екі немесе одан да көп адамға қастандық жасау» бабымен қылмыстық іс қозғады. Оқиғаны тергеумен Ұлттық антитеррорлық комитет айналысып жатыр.

Тергеушілер оқиғаның бірнеше ықтимал себебі тексеріліп жатқанын айтады. Жарылысқа қатысты күдіктілердің анықталғаны туралы әзірге мәлімет жоқ.

Пікіріңіз

Оқырман пікірлері

XS
SM
MD
LG