Accessibility links

Министр мектептегі хиджаб дауына жауап берді


Нұрлан Ермекбаев, дін істері және азаматтық қоғам министрі.
Нұрлан Ермекбаев, дін істері және азаматтық қоғам министрі.

Дін істері және азаматтық қоғам министрі Нұрлан Ермекбаев арнайы мектеп-медресе ашып беруді сұраған ата-аналардың өтінішіне жауап берді. Министрдің айтуынша, мұндай мектептер ашуға мүмкіндік бар.

- Мұндай мектептерді ашуға қазір жағдай бар. Егер сондай ата-аналар болса, оларды (балаларын – ред.) орамал тағып немесе хиджаб кигізіп мектепке жіберетін болса, олар өздері жиналып, демеушілер іздеп, ондай жеке мектептер ашуына құқығы бар, - деді Ермекбаев Астанада дүйсенбі күнгі үкімет жиынынан соң журналистерге.

Оқыңыз: Орамал тағатын оқушылар дауы басылар емес

Ақтөбеде бір топ тұрғын өткен аптада парламент мәжілісінің депутаты Бақытбек Смағұлмен кездесіп, өз арыз-шағымдарын жеткізген. 9 қаңтарда өткен кездесуде ата-аналар орамал тағатын қыздары жаңа тоқсан басталғалы бері мектепке кіре алмай жүргенін айтып, депутаттан орамал дауын шешудің бір жолы ретінде дін ұстанатын оқушы қыздар үшін арнайы мектеп-медресе салу жолдарын қарастыруды сұраған болатын.

XS
SM
MD
LG