Фристайлдан қазақстандық Дмитрий Рейхерд пен Павел Колмаков Пхенчхан олимпиадасының финалына шықты. Спортшылар 9 ақпанда могул бағдарламасы бойынша ерлер арасында сынға түсті. Рейхерд іріктеуде 3-нәтиже, Колмаков 7-нәтиже көрсетті.
Жарыстан кейін Рейхерд бүгін тек іріктеуден өтуді ғана жоспарлағанын, қиын элементтерді орындамағанын, толық күшін көрсетпегінін айтты.
Финал 12 ақпанда өтеді. 9 ақпан Пхенчхан уақыты бойынша таңертең қазақстандық могулшы Юлия Галышева әйелдер арасындағы іріктеуде 7-нәтижемен финалға шыққан.
Пхенчхандағы қысқы ойындар 9-25 ақпан арасында өтеді. Қазақстаннан 46 спортшы қатысып жатыр. Қазақстан ұлттық олимпиада комитеті "Пхенчханда Сочидегі нәтижені қайталап, шама келсе жақсартуды көздейді". Қазақстан Сочиде бір қола алған.
