Accessibility links

Дмитрий Рейхерд үздік үштікке ене алмады


Дмитрий Рейхерд Пхенчхан Олимпиадасында.

Пхенчханда өтіп жатқан қысқы Олимпиадада фристайлдың могул түрінен ерлер арасындағы жарыста Павел Колмаков 7-орын, Дмитрий Рейхерд 8-орын алды.

Қазақстандық жанкүйерлер мен шенеуніктер Дмитрий Рейхердтен медаль күткен. Халықаралық Associated Press агенттігі Олимпиада алдында Рейхерд қола алады деп болжаған.

11 ақпанда қазақстандық Юлия Галышева могулдан әйелдер арасындағы жарыста қола медаль алған. Ол жарысқа жарақаттанған қолымен шыққанын айтқан. Галышева қола алған күні Қазақстан фристайл құрамасының бапкері Елена Круглыхина "ерлер арасында екі медаль алғымыз келеді" деген еді.

12 ақпанда биатлоннан із қуып жарысуда Галина Вишневская әйелдер арасында 20-орын, Роман Еремин ерлер арасында 54-орынмен шектелді.

Пхенчхан Олимпиадасы 25 ақпанда аяқталады.

Дмитрий Рейхердтің жетістіктері.
Дмитрий Рейхердтің жетістіктері.

  • 16x9 Image

    Руслан МЕДЕЛБЕК

    Азаттықтың Прагадағы тілшісі. Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің репортері. Сочи, Рио, Пхенчхан олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG