Accessibility links

CAS ресейлік спортшыға қатысты іс ашты


Анастасия Брызгалова мен Александр Крушельницкий Пхенчхан олимпиадасында.

19 ақпан күні Спорттық арбитраж соты (CAS) ресейлік спортшы Александр Крушельницкиге қатысты іс ашқанын хабарлады. Бұл туралы Азаттық тілшісі хабарлайды.

Ресейлік атлет Александр Крушельницкий Пхенчхан олимпиадасында керлингтен жұптық жарыста әйелі Анастасия Брызгаловамен қола медаль жеңіп алған. Ал 18 ақпан күні Александр Крушельницкидің допинг сынамасынан мельдоний табылғаны хабарлаған. 19 ақпан күні Пхенчхан уақыты бойынша таңертең В сынамасы тексерілді. Оның қорытындысы бірер сағатта жариялануы тиіс.

Оқи отырыңыз: Ресей спортшысы допинг күдігіне ілінді

Спортшы Александр Крушельницкий 19 ақпанда олимпиада қалашығынан кетіп қалғаны хабарланды.

Пхенчхандағы қысқы олимпиадаға Ресей спортшылары ХОК туы астында қатысып жатыр. Олардың командасы “Ресей олимпиада атлеттері” деп аталады.

ХОК Ресей билігі Сочи олимпиадасы кезінде допинг саясатын мемлекеттік деңгейде қолдады деп айыптайды. Сочи ойындары кезінде алынған допинг сынамаларын қайта тексергенде допинг ережелері бұзылғанын хабарланған. ХОК арнайы комиссиясы кей спортшылардың қаны және дәреті құйылған құтылардың сырты сырылғанын, сөйтіп, құтылар ашылып, сынамалар алмастырылған болуы мүмкін деп мәлімдеді. Сынамалары бүлінген спортшылар да олимпиадаға шақыртылмады. Бұған қоса, бұрын допингпен ұсталып, жаза мерзімін өтеген ресейлік спортшылар да бұл олимпиададан тыс қалды.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген. Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері. 2012 жылдан бері "Азаттық" радиосының тілшісі. Сочи, Рио, Пхенчхан олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

AzatNews 16.11.2018
please wait
Embed

No media source currently available

0:00 0:14:38 0:00

Фотогалерея

XS
SM
MD
LG