Accessibility links

Талдықорған қаласындағы Алматы облыстық қорғаныс істері жөніндегі департаменті ғимаратында әскери қызметкер әріптесін атып өлтірген. Бұл туралы Қазақстан қорғаныс министрлігінің баспасөз қызметі хабарлады.

Ресми ақпаратта қайғылы оқиға бүгін, наурыздың 31-і күні болғаны айтылған. Төтенше оқиғаға байланысты тергеу басталғаны туралы хабарлаған министрлік әзірше оның жай-жапсары туралы ешқандай мәлімет берген жоқ.

Жергілікті басылымдардың хабарлауынша, Талдықорғандағы облыстық қорғаныс істері жөніндегі департамент ғимараты қоршауға алынған. Оқиға болған жерде полиция мен әскери прокуратура қызметкерлері жұмыс істеп жатыр.

XS
SM
MD
LG