Accessibility links

Прокуратура: Әблязовтің үстінен Тәтішев өлімі бойынша іс қозғалды


Мұхтар Әблязов.

Қуғындағы саясаткер Мұхтар Әблязовтің үстінен "банкир Ержан Тәтішевті өлтіруді ұйымдастырды" деген айыппен қылмыстық іс қозғалды деп хабарлады Қазақстан Бас прокуратурасына сілтеген BNews.kz сайты.

БАҚ-тың ресми сауалына жауап берген бас прокуратура Ержан Тәтішевті өлтіруді ұйымдастыру фактісі бойынша Әблязовке қатысты тергеу жүргізіліп жатқанын айтқан.

"Мұхтар Әблязовті экстрадициялау және одан ары қылмыстық жауапқа тарту мәселесі сотқа дейінгі тергеу аясында Қазақстан заңдарына және халықаралық келісімдерге сай қаралады" деген бас прокуртура.

2004 жылы желтоқсанда аңға шыққанда мерт болған Ержан Тәтішевтің қазасынан кейін "ТұранӘлем" банкі басшылығы қайғылы оқиғаның саяси астары жоқ әрі бәсекелестік тартыстың кесірі деп санамайтындарын мәлімдеген. Ал 2017 жылы құзырлы органдар "Казстройстекло" компаниясының бұрынғы иесі Мұратхан Тоқмәди "Ержан Тәтішевті аңға шыққанда қасақана өлтіргенін және өзіне тапсырысты Мұхтар Әблязов бергенін мойындағанын" мәлімдеген.

Жамбыл облыстық соты наурыздың 16-сы күні "ТұранӘлем банк" басшысы Ержан Тәтішевтің қазасы бойынша бизнесмен Мұратхан Тоқмәдиді айыпты деп танып, 10 жыл 6 айға соттаған.

Оқи отырыңыз: Мұратхан Тоқмәдиге үкім шықты

Ребрендингтен кейін БТА банк деп атала бастаған қаржы институты біраздан соң Тәтішевтің бизнес-серігі Мұхтар Әблязовтің бақылауына өтіп, ол банкті 2009 жылы мемлекет меншігіне алғанға дейін басқарған.

Мұхтар Әблязов Тәтішевтің өліміне қатысты айыптауды "шылғи өтірік" деп атап жоққа шығарады және өзін Қазақстан президенті Нұрсұлтан Назарбаев саяси себеппен қуғындап жатыр деп санайды. Әблязов өзін "банктен миллиардтаған доллар ұрлаған" деп сырттай 20 жылға соттаған Қазақстан билігінің таққан айыбын да теріске шығарып, президент Назарбаевты үнемі сынап келеді.

Пікіріңіз

Оқырман пікірлері

AzattyqTV

Жаңаөзеннің жазылмаған жарасы
please wait

No media source currently available

0:00 0:02:41 0:00
Қайрат Досмағамбетов

Жаңаөзеннің жазылмаған жарасы

XS
SM
MD
LG