Accessibility links

Шымкент әкімдігі жер митингісін өткізуге рұқсат етпеді


Оңтүстік Қазақстан облысының картасы.

Шымкент қаласының әкімдігі жергілікті азаматтық белсенділерге 21 мамыр күні Жер заңына қатысты митинг өткізуге рұқсат етпеді деп хабарлайды Азаттыққа «Қадірменді қариялар» қоғамдық бірлестігінің төрағасы Шаруа Пірмат.

Шаруа Пірматтың айтуынша, 10 мамыр күні белсенділер әкімдіктен халықтың "Қазақстан жері ешкімге сатылмасын, шетелдіктерге жалға да берілмесін" деген талабы орындалмағандықтан талап-тілектерін тағы да білдіру үшін митинг өткізуге рұқсат сұраған. Әкімдік митинг өткізетін жерлерде “Астананың 20 жылдығына орай, ашық спорт сабақтарының өтетінін” айтып, рұқсат бермеген.

- Әкімдік халықтың сөзін тыңдағысы жоқ. Рұқсат бермеуіне байланысты Әл- Фараби аудандық прокуратурасына шағым түсіруге барып едім, қабылдамай сотқа сілтеді. Сотқа арыз тастадық, - деді Шаруа Пірмат.

Қазақстан заңы бойынша, азаматтар бейбіт жиын өткізу үшін жергілікті биліктен рұқсат алуы тиіс. Әйткенмен Қазақстан қол қойған азаматтық және саяси құқық туралы халықаралық пактіге сәйкес, митинг өткізетіні туралы билікке ескертуі ғана жеткілікті.

Бүгін Астана әкімдігі де жергілікті белсенділерге жер митингісін өткізуге рұқсат бермеген.


  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

AzattyqTV

Күре жол мал базарға айналатын күн
please wait

No media source currently available

0:00 0:02:37 0:00
XS
SM
MD
LG