Сайт бұғатталып тұрса да, материалды осы сілтемемен кіріп оқуға болады
Отставкаға кеткен Грузия премьер-министрі Георгий Квирикашвили.
13 маусымда Грузия премьер-министрі Георгий Квирикашвили министрлер кабинеті мүшелерімен келісе алмай отставкаға кетті. Ал ел астанасы Тбилисиде үкіметке қарсы демонстрация жалғасып жатыр.
50 жастағы Квирикашвили 2015 жылдан бері үкімет басқарған. Грузияда 31 мамырдан бері жаппай наразылық басталған. Демонстранттар өткен жылдың желтоқсанында екі жасөспірімнің өліміне қатысты шыққан сот шешіміне қарсылық білдірген. Көшеге шыққандар соттың әділ шешім шығармағанына және кінәлі адамдардың жазаланбағанына наразы болған. Олар премьер-министрдің отставкасын талап еткенімен, Георгий Квирикашвили қызметтен кетуден бас тартқан.
Наразылық шарасы 6 маусымда басылғанымен, маусымның 10-ында қайта жалғасқан. Ертесіне полиция парламент ғимаратының шетіндегі шерушілерге кедергі келтіріп, оппозициялық саясаткерлер мен олардың жақтастарын ұстаған.
Премьер отставкасын талап еткен наразылық
1/10Наразылар былтыр желтоқсанда екі жасөспірімнің өлімі бойынша қылмыстық істің дұрыс тексерілмегеніне наразы. Наразылар "екі баланың өліміне қатысты істі кей шенеунік жабуға тырысты" дейді. Кісі қолынан қаза тапқан жасөспірімдердің бірі Заза Саралидзе "бас прокурор мен прокуратураның басқа да қызметкерлері қылмыс жасаған адамды қорғаштап отыр және айғақтарды жойып жіберді" деп санайды. 1 маусым 2018 жыл.
Сайт бұғатталып тұрса да, материалды осы сілтемемен кіріп оқуға болады
4/10Бас прокурор Ираклий Шотадзенің (суретте) отставкаға кеткен. Бірақ шерушілер бұған көңілі толмай, енді үкіметтің отставкаға кетуін талап етіп отыр. 31 мамыр 2018 жыл.
Сайт бұғатталып тұрса да, материалды осы сілтемемен кіріп оқуға болады
6/10Грузия премьер-министрі Георгий Квирикашвили Тбилисидегі наразылық акциясына шыққандардың отставкаға кету талабын орындаудан бас тартты. 31 мамыр 2018 жыл.
Сайт бұғатталып тұрса да, материалды осы сілтемемен кіріп оқуға болады
7/10200-ге тарта адам 1 маусымға қараған түні парламент алдында шатырларда түнеп шықты. Акцияны ұйымдастырушылар қарсылықты жалғастыра беретінін айтты.
