20 маусымда Шымкентке келген премьер-министр Бақытжан Сағынтаев Түркістан облысының әкімі етіп Жансейіт Түймебаевтың тағайындалғанын мәлімдеді.
- Облыстық мәслиxат депутаттарының қолдауымен Түркістан облысының әкімі болып Жансейіт Түймебаев тағайындалды. Бұл -президенттің үлкен сенімі, - деді үкімет басшысы.
Тағайындаудан бұрын облыстық мәслиxаттың депутаттары әкім кандидатурасына "Жансейіт Түймебаев лайықты деп тауып, бірауыздан мақұлдаған". Жансейіт Түймебаев бұған дейін Оңтүстік Қазақстан облысының әкімі қызметін атқарған.
19 маусымда Қазақстан президенті Нұрсұлтан Назарбаев Оңтүстік Қазақстан облысын Түркістан облысы деп қайта құру туралы жарлық шығарды. Ақорданың баспасөз қызметі Назарбаев "Қазақстан Республикасының әкімшілік-аумақтық құрылымы туралы" заңының 3-бабы 1-бөліміне сай Түркістан облысының орталығы Түркістан қаласы болатыны, ал халқының саны миллионға жеткен Шымкент қаласына республикалық маңызы бар қала мәртебесі берілгені туралы жарлығын жариялағанын xабарлады.
Оқи отырыңыз: Түркістан халқының реакциясы қандай?
Президенттің айтуынша, Астана мен Алматы қалалары сияқты ресубликалық маңызы бар қала мәртебесін алған Шымкент әкімшілік бірлігі елдегі он жетінші аймақ болады.
Назарбаев Түркістан қаласында жаңа әкімшілік функцияларды сапалы түрде жүзеге асыратын барлық мүмкіндік барын айтып, қабылдаған шешімінің тарихи мәні барын мәлімдеген.
5 маусымда Оңтүстік Қазақстан облысының мәслихаты облыс орталығын Шымкенттен 262 мың тұрғыны бар Түркістанға көшіру туралы және Шымкент қаласына республикалық маңызы бар қала мәртебесін беру туралы ұсынысты мақұлдап, үкіметке жолдаған.
Қазақстан тәуелсіздік алғаннан бері тұңғыш рет облыс орталығы халқының саны миллионға жетіп, ерекше мәртебе беріліп отыр.
Көре отырыңыз: Түркістанның түрлі келбеті
