Зимбабведе демонстранттар мен полиция қақтығысып, алты адам қаза тапты деп хабарлады France-Presse агенттігі. Бұған дейін полиция өкілдері үш адамның қаза тапқанын растаған.
Зимбабведегі тәртіпсіздіктер елде президент және парламент сайлауында берілген дауысты санап жатқан тұста болып жатыр. Ел астанасы Харареде іс басындағы президент Эммерсон Харареге қарсылар көшеге шықты. Reuters агенттігінің забарлауынша, демонстранттар көлік шиналарын өртеп, ғимараттарға тас лақтырды. Полиция өкілдері демонстранттарға қарсы қалаға әскери техника жіберді.
Полиция наразыларға қарсы көзден жас ағызатын газ қолданып, су шашты. Еуропа Одағы Хараредегі полицияның әрекетін айыптады. Брюссель Зимбабве билігін ұстамдылық танытуға, ал демонстранттарды заңды сақтауға шақырды.
Хараредегі қақтығыс жергілікті сайлау комиссиясы ел парламенті - Ұлттық ассамблеяға сайлаудың алғашқы нәтижелерін жариялаған соң басталды. Ресми мәлімет бойынша, парламенттегі орынның көпшілігін биліктегі партия иеленді. Ал президент сайлауының ресми нәтижесі әзірге жарияланған жоқ. Оппозиция билікті сайлау нәтижелерін бұрмалау үшін сайлау процесін созып отыр деп айыптайды.
Оқи отырыңыз: Мугабенің "биліктен біржола кеткені" хабарланды
Зимбабвені тәуелсіздік алған 1980 жылдан бері басқарған Роберт Мугабе өткен жылы әскери төңкерістен соң биліктен кеткен.
Зимбабведе 30 шілдеде тұрғындар президент, парламент және жергілікті өкілді органдар сайлауына қатар дауыс берген. Бұл елде 2017 жылы қарашада елді 37 жыл басқарған Роберт Мугабе әскери төңкеріс кезінде биліктен кеткеннен бері бірінші рет сайлау өтіп отыр.
Мугабесіз сайлау және дауыс беруге кезек
